Categories: உலகம்

ஆப்கானிஸ்தான்: மேலும் 2 மாகாணத் தலைநகரங்களைக் கைப்பற்றினா் தலிபான்கள்

ஆப்கானிஸ்தானின் முக்கியத்துவம் வாய்ந்த குண்டுஸ் மற்றும் சாா்-ஏ-பால் மாகாணத் தலைநகரங்களை அரசுப் படையினரிடமிருந்து தலிபான்கள் கைப்பற்றியுள்ளனா்.

ஏற்கெனவேஷேபா்கான், ஸராஞ்ச் ஆகிய நகரங்கள் தலிபான்களிடம் வீழ்ந்த நிலையில் தற்போது அந்தப் பயங்கரவாதிகள் கைப்பற்றியுள்ள ஆப்கன் மாகாணத் தலைநகரங்களின் எண்ணிக்கை 4-ஆக உயா்ந்துள்ளது.

இதுகுறித்து பிபிசி ஊடகம் தெரிவித்துள்ளதாவது:

குண்டுஸ் மாகாணத் தலைநா் குண்டுஸை தலிபான்கள் கைப்பற்றிவிட்டதாக அந்த மாகாண அதிகாரி ஒருவா் தெரிவித்தாா். தலிபான் பயங்கரவாதிகளின் கொடி, குண்டுஸ் மையப் பகுதியில் ஏற்றப்பட்டுள்ளதாகவும் அவா் கூறினாா்.

அந்த நகரில் பல வீடுகள் மற்றும் கடைகளில் தீவைக்கப்பட்டு எரிந்து வருவதாக தகவல்கள் தெரிவிக்கின்றன.

குண்டுஸ் நகரம் தலிபான்களிடம் வீழ்ந்த சில மணி நேரங்களில், வடக்குப் பகுதியைச் சோந்த சாா்-ஏ-பால் மாகாணத் தலைநகா் சாா்-ஏ-பாலையும் தலிபான்கள் கைப்பற்றினா். அந்த நகரில் அரசுப் படையினா் இன்னும் இருந்து சண்டையிட்டு வருவதாக ஆப்கன் அதிகாரிகள் தெரிவித்தனா்.

இத்துடன், கடந்த வெள்ளிக்கிழமையிலிருந்து இதுவரை 4 மாகாணத் தலைநகரங்கள் தலிபான்கள் வசம் வந்துள்ளது. அவற்றில் குண்டுஸ் நகரம் மிகுந்து முக்கியத்துவம் வாய்ந்தது ஆகும்.

அந்த நகரம்தான் நாட்டின் வடக்குப் பகுதி மாகாணங்களுக்கும் பிற பகுதிகளுக்குமான இணைப்புப் பாலமாக இருந்து வருகிறது. மேலும், தலைநகா் காபூல் உள்ளிட்ட முக்கிய நகரங்களை இணைக்கும் நெடுஞ்சாலைகள் குண்டுஸில் உள்ளன.

Related Post

குண்டுஸ் மாகாணத்தின் எல்லை, தஜிகிஸ்தானையொட்டி அமைந்துள்ளது. அந்த எல்லைப் பகுதிதான் ஆப்கானிஸ்தானிலிருந்து மத்திய ஆசியாவுக்கு கஞ்சா கடத்தப் பயன்படுத்தப்படுகிறது. இந்த எல்லையைக் கட்டுப்படுத்துவதன் மூலம், மிக முக்கியமான கஞ்சா கடத்தல் பாதையை தலிபான்கள் கைப்பற்றியுள்ளனா்.

ஏற்கெனவே, 2001-ஆம் ஆண்டில் இந்த நகரம் தலிபான்களின் கோட்டையாக இருந்து வந்தது. அதன் பிறகு 2015 மற்றும் 2016-ஆம் ஆண்டில் குண்டுஸை தலிபான்கள் மீண்டும் கைப்பற்றினாலும், அவா்கள் அங்கிருந்து விரட்டியடிக்கப்பட்டனா். தற்போது குண்டுஸை மீண்டும் கைப்பற்றியுள்ளதன் மூலம், தலிபான்களின் மனோபலம் கூடும் என்று கூறப்படுகிறது.

இதுதவிர, மேற்குப் பகுதியில் ஹெராட், தெற்குப் பகுதியில் காந்தஹாா் மற்றும் லஷ்கா்கா நகரங்களைக் கைப்பற்றுவதற்காக தலிபான்கள் தீவிரமாக சண்டையிட்டு வருகின்றனா் என்று பிபிசி ஊடகம் தெரிவித்துள்ளது.

ஆப்கானிஸ்தானில் கடந்த 20 ஆண்டுகளாகத் தங்கி சண்டையிட்டு வந்த அமெரிக்கப் படையினா் அனைவரும், அங்கிருந்து நாடுகளுக்குத் திரும்பி வருகின்றனா். இந்தச் சூழலைப் பயன்படுத்தி, நாட்டில் ஏற்கெனவே கணிசமான பகுதிகளைக் கைவசம் வைத்திருந்த தலிபான் பயங்கரவாதிகள் கிராமப் புறங்களில் புதிய பகுதிகளைக் கைப்பற்றினா்.

அதன் தொடா்ச்சியாக, பல்வேறு மாகாணத் தலைநகரைக் கைப்பற்றுவதற்காக தலிபான்கள் அந்த நகரைச் சுற்றிவளைத்துச் சண்டையிட்டு வருகின்றனா். எனினும், அவா்களுக்கு எதிராக ராணுவம் தாக்குதல் நடத்தி வருகிறது.

இதற்குப் பழி வாங்கும் வகையில், பாதுகாப்புத் துறை இடைக்கால அமைச்சா் பிஸ்மில்லா கான் முகமதியைக் குறிவைத்து அவரது இல்லத்தில் தலிபான்கள் கடந்த செவ்வாய்க்கிழமை இரவு தாக்குதல் நடத்தினா். எனினும், சம்பவத்தின்போது அவா் அங்கு இல்லாததால் உயிா் தப்பினாா்.

அதனைத் தொடா்ந்து, இந்த நிலையில், ஆப்கன் அரசின் தகவல் ஊடக மையத்தின் தலைவா் தாவா கான் மெனாபலை தலிபான்கள் வெள்ளிக்கிழமை சுட்டுக் கொன்றனா்.

இந்தச் சூழலில், நான்கு ஆப்கன் மாகாணத் தலைநகரங்கள் தலிபான்களிடம் வீழ்ந்துள்ளது அரசுப் படைகளுக்கு ராணுவ ரீதியிலும் உளவியல் ரீதியிலும் பின்னடைவை ஏற்படுத்தும் என்று கருதப்படுகிறது.

Share
Tags: dinamani

Recent Posts

தேங்காய்ப்பால் சிக்கன் பிரியாணி

தேவையானவை: சீரக சம்பா அரிசி -2 கப், வெங்காயம்- 1, தக்காளி - 1, இஞ்சி பூண்டு விழுது-1 டேபிள்ஸ்பூன்,…

5 months ago

டெல்லி: ஜந்தர் மந்தர் போராட்டத்தில் இஸ்லாமியர்களுக்கு எதிராக வன்முறை கோஷம் – வழக்குப்பதிவு

டெல்லியில் பாராளுமன்றத்துக்கு அருகே ஜந்தர் மந்தரில் நடந்த போராட்டத்தின் போது ஒரு கும்பல், முஸ்லீம் எதிர்ப்பு கோஷங்களை எழுப்பிய வீடியோக்கள்…

5 months ago

தூத்துக்குடி ஸ்மார்ட் சிட்டிக்காக ஹிந்து கோயில்கள் தரைமட்டம்

துாத்துக்குடி:துாத்துக்குடியில்ஸ்மார்ட் சிட்டி பணிகளுக்காக பழமையான ஹிந்து கோயில்கள் இடித்து தரைமட்டமாக்கப்பட்டன.தூத்துக்குடி ஜெயராஜ் ரோட்டில் முச்சந்தி இசக்கியம்மன்,சுடலை ஆண்டவர் கோயில்கள் பல…

5 months ago

புது வார்னிங்..! நாளுக்கு நாள் மோசமாக கொரோனா பாதிப்பு.. எல்லா முக்கிய தரவுகள் உணர்த்துவது என்ன

டெல்லி: இந்தியாவில் கொரோனா கேஸ்களின் நிலை கவலையளிக்கும் வகையில் உள்ளதாகக் கூறியுள்ள ஹைதராபாத் பல்கலைக்கழக துணை வேந்தர் டாக்டர் விபின்…

5 months ago

தி.மு.க.,குறித்து அவதூறு பேச்சு: நெல்லை கண்ணன் மீது புகார்

திருநெல்வேலி:தி.மு.க.,மாஜி எம்.எல்.ஏ.,வை அவதுாறாக பேசிய நெல்லை கண்ணன் மீது வழக்குபதிவு செய்யக்கோரி தி.மு.க.,வினர் கமிஷனரிடம் மனுஅளித்தனர்.திருநெல்வேலியில் மா.கம்யூ.,கட்சி மூத்த தலைவர்…

5 months ago

காதல் ஜோடி போலீசில் பாதுகாப்பு கேட்டு தஞ்சம்

கெங்கவல்லி: கெங்கவல்லி போலீசில் காதல் ஜோடி பாதுகாப்பு கேட்டு தஞ்சமடைந்தனர்.சேலம் மாவட்டம், கெங்கவல்லி அருகே, கடம்பூர், இந்திரா காலனி பகுதியைச்…

5 months ago