Categories
தொழில்நுட்பம்

கணினியை இப்படி எல்லாம் பயன்படுத்தி இருக்கிறீங்களா?

இன்றைய உலகில் கணினியின் தேவை அத்தியாவசியமான ஒன்றாகிவிட்டது. ஒவ்வொருவரும் கணினியின் பயனை உணர்ந்துக்கொள்வது அவசியமாகிவிட்டது. கணினியைப் பயன்படுத்துவது தவிர்க்க முடியாதாகிவிட்டது. இன்று கணினியை எளிய முறையில் கையாள சில பயனுள்ள தகவல்களை அறிந்துக்கொள்வோமா?…

ஒரு பைலை அழிக்க வேண்டும் ஆனால் ரீ சைக்கிள் பின்னுக்குச் செல்ல கூடாது என்றால் அந்த பைலைத் தேர்ந்தெடுத்து டெலீட் பட்டன் மற்றும் ஷிப்ட் கீயை அழுத்தியபடி அழுத்தவும். பைல் ரீசைக்கிள் பின்னுக்குச் செல்லாது.

வழக்கமாக மவுஸ் பாய்ண்ட்டர் மேல் நோக்கி சிறிது சாய்வானதாக இருக்கும். இதனை மாற்றுவதற்கும் வசதிகள் உள்ளன. உரிக்கும் வாழைப்பழம், சிரிக்கும் முகம் என இந்த பாய்ண்ட்டரை மாற்றலாம்.
ஆனால் இவை அனிமேஷன் வகை என்பதால் ராம் மெமரி அதிகம் செலவாகும்.

கேஷ் மெமரி அடிக்கடி பயன்படுத்தும் டேட்டாவினை தற்காலிகமாகச் சேமித்து வைக்கும் மெமரி வகை ஆகும். இதனால் கம்ப்யூட்டர் விரைவாக இயங்க முடிகிறது.

வேர்ட் டாக்குமெண்டில் பார்த்துக் கொண்டிருக்கும் பக்கத்தை பிரிண்ட் எடுக்க வேண்டும் என்றால் பைல் மெனு சென்று பிரிண்ட் கொடுக்கவும். பிறகு விண்டோவில் Current page செலக்ட் செய்து என்டர் பட்டனை அழுத்தவும். இதற்கு மற்றொரு வழி ஒன்று உள்ளது. பிரிண்ட் எடுக்க வேண்டிய பக்கத்தில் கர்சரை வைத்து Ctrl + P மற்றும் Alt + E அழுத்தவும். அந்தப் பக்கம் மட்டும் பிரிண்ட் ஆகும்.

ஒன்றுக்கு மேற்பட்ட டேப்களை நகர்த்த :

ஒன்றுக்கு மேற்பட்ட டேப்களை நகர்த்தவோ அல்லது மூடவோ விரும்பினால், ஷிப்ட் கீயை அழுத்திக் கொண்டு, இணையதளப் பக்கங்களைக் காட்டும் டேப்களில் கிளிக் செய்தால் போதும். அவை அனைத்தும் தேர்ந்தெடுக்கப்படும். பின்னர் இவற்றை மொத்தமாக, புதிய விண்டோவிற்கு இழுத்துச் செல்லலாம். அல்லது Ctrl + W கீகளை அழுத்தி மூடிவிடலாம்.

தவறுதலாக டேப் ஒன்றினை மூடிவிட்டீர்கள் என்றால் Ctrl + Shift + T என்ற கீகளை அழுத்தினால், அவை மீண்டும் கிடைக்கும். மீண்டும் தொடர்ந்து இந்த கீகளை அழுத்தினால், ஏற்கனவே மூடப்பட்ட இணையதளப் பக்கங்கள், பின் நிகழ்விலிருந்து வரிசையாகக் கிடைக்கும். Ctrl + Shift + D கீகளை அழுத்தினால், திறந்து பயன்படுத்தப்பட்டுக் கொண்டிருக்கும் அனைத்து தளங்களும் புக்மார்க்காக ஒரு தனி போல்டரில் சேவ் ஆகும். மீண்டும் அவை அனைத்தையும் திறக்க, போல்டரில் ரைட் கிளிக் செய்து, Open all bookmarks in window என்பதனைத் தேர்ந்தெடுக்கவும்.

வேர்ட் டாக்குமெண்ட்களில் நாம் அடிக்கடி பயன்படுத்துவது, பைண்ட் அண்ட் ரீபிளேஸ் (Find and Replace) வசதியாகும். Ctrl + H கீகளை அழுத்தினால், Find and Replace டயலாக் பாக்ஸின் Replace டேப் நேரடியாகக் கிடைக்கும். உங்களுக்கு இந்த டயலாக் பாக்ஸ் தேவையில்லை என்றால் எஸ்கேப் Esc) கீயை அழுத்தலாம்.

Leave a Reply