Categories: தமிழகம்

தென்காசி: அழுகிய மனிதத் தலையுடன் சாமியாட்டம்; நர மாமிசம் உண்ணும் வீடியோ! – போலீஸார் விசாரணை

தென்காசி மாவட்டம் பாவூர்சத்திரம் அருகே உள்ள கிராமம், கல்லூரணி. இந்த கிராமத்தில், காட்டுக் கோயில் என அழைக்கப்படும் ஸ்ரீசக்தி போத்தி சுடலை மாடசாமி கோயில் உள்ளது. ஒவ்வொரு வருடமும் இந்தக் கோயிலில் ஆடி மாதத்தில் சிறப்பான வகையில் கொடை விழா நடத்தப்படுவது வழக்கம்.

அதன்படி இந்த ஆண்டும் கோயில் கொடை விழா நடைபெற்றது. பாவூர்சத்திரத்தைச் சுற்றிலும் உள்ள கிராமங்களைச் சேர்ந்த மக்கள் மட்டுமல்லாமல் சென்னை உள்ளிட்ட வெளியிடங்களில் வசிக்கும் இப்பகுதி மக்களும் கோயில் கொடை விழாவில் பங்கேற்றனர்.

கொடை விழாவின் ஒரு பகுதியாக 23-ம் தேதி நள்ளிரவு 12 மணிக்கு, சாமியாடிகள் ‘வேட்டைக்கு சென்றார்கள். கோயிலில் ஓங்கி ஒலித்த மேளச் சத்தத்தின் ஓசையில் சாமியாட்டம் நடந்தது. பின்னர் பந்தத்தை கையில் ஏந்தியவாறு அங்குள்ள இடுகாட்டுக்குச் சென்றனர். அங்கிருந்து திரும்பி வரும்போது ஒரு சாமியாடியின் கையில் சில வாரங்களுக்கு முன்பு புதைத்த ஒருவரின் தலை இருந்தது.

மற்றொரு சாமியாடி வாயில் ஒரு எலும்புத் துண்டைக் கடித்தபடியே வந்தார். மற்றொரு சாமியாடி நரமாமிசத்தை சாப்பிட்டார்.. இதையெல்லாம் அதிசயத்துடன் பார்த்த பக்தர்களில் சிலர் இவற்றை எல்லாம் செல்போனில் வீடியோவாக பதிவு செய்தார்கள். அந்தக் காட்சிகள் தற்போது வைரலாக பரவி வருவதால் இந்த விவகாரம் சர்ச்சையாகி இருக்கிறது.

இந்த விவகாரம் தொடர்பாக நேற்று (25-ம் தேதி) பாவூர்சத்திரம் காவல் நிலையத்தில் கிராம நிர்வாக அலுவலர் புகார் அளித்தார். அதைத் தொடர்ந்து சாமியாடிகள் மூவரை காவல் நிலையத்துக்கு அழைத்த போலீஸார் அவர்களிடம், எங்கிருந்து தலையை எடுத்து வந்தார்கள் என்பது பற்றியும் அந்த தலையை எங்கே போட்டார்கள் என்பது குறித்தும் விசாரித்தனர்.

Related Post

போலீஸ் விசாரணையின்போது சாமியாடிகள் மூவரும், ‘எங்களுக்கு என்ன நடந்தது என்பதே தெரியாது. சுடலையின் அருள் வந்ததால் சாமியாடினோம். அபோது நாங்கள் என்ன செய்தோம். என்பதே நினைவில் இல்லை’ என்பதையே மீண்டும் மீண்டும் தெரிவித்ததால் அவர்களை மீண்டும் அழைக்கும்போது விசாரணைக்கு வர வேண்டும் என்ற நிபந்தனையுடன் போலீஸார் அனுப்பி வைத்தனர்.

இந்த சம்பவம் தொடர்பாக கல்லூரணி கிராம மக்கள் கூறுகையில், “காட்டுக் கோயில் என்று அழைக்கப்படும் இந்த சுடலை மாடசாமி மிகவும் சக்தி வாய்ந்தது. இந்தக் கோயிலில் இது போல தலையை எடுத்து வருவது இது முதல் முறை அல்ல. கடந்த 2018-ல் சாமியாடிகள்,, புதைக்கப்பட்டிருந்த ஒருவரின் கையைத் தோண்டி எடுத்து வந்தார்கள்.

இந்த வருடம் தலையைத் தூக்கி வந்துவிட்டார்கள். அது சமீபத்தில் புதைக்கப்பட்ட உடலின் தலையாக இருந்தது. அதனால் சமீபத்தில் இறந்தவர்களின் உறவினர்கள் இடுகாட்டுக்குச் சென்று தங்கள் உறவினர்களின் உடல்கள் பத்திரமாக இருக்கிறதா என பரிசோதிக்கத் தொடங்கியிருக்கிறார்கள். அதனால் இந்தப் பகுதியில் ஒருவித பதற்றம் நிலவுகிறது. இருந்தாலும் கோயில் விவகாரம் மற்றும் சாமியாட்டம் தொடர்பானது என்பதால் யாரும் எதுவும் பேசாமல் இருக்கிறார்கள்” என்றார்கள்.

இணையத்தில் வலம் வரும் வீடியோ, அந்தப் பகுதியில் சர்ச்சையாகி இருக்கும் நிலையில் பாவூர்சத்திரம் காவல்துறையினர் முதல்கட்டமாக சாமியாடிகள் மீதும் கோயிலின் நிர்வாகிகள் மீதும் வழக்குப் பதிவு செய்திருக்கிறார்கள். கொரோனா நடைமுறைகளைப் பின்பற்றாமல் அதிக கூட்டத்தைக் கூட்டியதற்காகவும் அத்துமீறி இடுகாட்டுக்குள் நுழைந்ததாகவும் கிராம நிர்வாக அலுவலரின் புகாரின் பேரில் வழக்குப் பதிவு செய்யப்பட்டுள்ளது.

இந்த விவகாரம் குறித்து தென்காசி மாவட்ட காவல்துறை கண்காணிப்பாளரான கிருஷ்ண ராஜிடம் கேட்டதற்கு, “சுடலை மாடசாமி கோயில் கொடை விழாவை கொரோனா நடைமுறைகளைப் பின்பற்றாமல் கூட்டத்தைக் கூட்டி நடத்தியது தொடர்பாக வழக்குப் பதிவு செய்திருக்கிறோம். அந்த கோயில் தொடர்பான வீடியோவை நானும் பார்த்தேன். அது தொடபாகவும் விசாரணை நடந்து வருகிறது” என்றார்.

Share
Tags: vikatan

Recent Posts

தேங்காய்ப்பால் சிக்கன் பிரியாணி

தேவையானவை: சீரக சம்பா அரிசி -2 கப், வெங்காயம்- 1, தக்காளி - 1, இஞ்சி பூண்டு விழுது-1 டேபிள்ஸ்பூன்,…

4 months ago

டெல்லி: ஜந்தர் மந்தர் போராட்டத்தில் இஸ்லாமியர்களுக்கு எதிராக வன்முறை கோஷம் – வழக்குப்பதிவு

டெல்லியில் பாராளுமன்றத்துக்கு அருகே ஜந்தர் மந்தரில் நடந்த போராட்டத்தின் போது ஒரு கும்பல், முஸ்லீம் எதிர்ப்பு கோஷங்களை எழுப்பிய வீடியோக்கள்…

4 months ago

தூத்துக்குடி ஸ்மார்ட் சிட்டிக்காக ஹிந்து கோயில்கள் தரைமட்டம்

துாத்துக்குடி:துாத்துக்குடியில்ஸ்மார்ட் சிட்டி பணிகளுக்காக பழமையான ஹிந்து கோயில்கள் இடித்து தரைமட்டமாக்கப்பட்டன.தூத்துக்குடி ஜெயராஜ் ரோட்டில் முச்சந்தி இசக்கியம்மன்,சுடலை ஆண்டவர் கோயில்கள் பல…

4 months ago

புது வார்னிங்..! நாளுக்கு நாள் மோசமாக கொரோனா பாதிப்பு.. எல்லா முக்கிய தரவுகள் உணர்த்துவது என்ன

டெல்லி: இந்தியாவில் கொரோனா கேஸ்களின் நிலை கவலையளிக்கும் வகையில் உள்ளதாகக் கூறியுள்ள ஹைதராபாத் பல்கலைக்கழக துணை வேந்தர் டாக்டர் விபின்…

4 months ago

தி.மு.க.,குறித்து அவதூறு பேச்சு: நெல்லை கண்ணன் மீது புகார்

திருநெல்வேலி:தி.மு.க.,மாஜி எம்.எல்.ஏ.,வை அவதுாறாக பேசிய நெல்லை கண்ணன் மீது வழக்குபதிவு செய்யக்கோரி தி.மு.க.,வினர் கமிஷனரிடம் மனுஅளித்தனர்.திருநெல்வேலியில் மா.கம்யூ.,கட்சி மூத்த தலைவர்…

4 months ago

காதல் ஜோடி போலீசில் பாதுகாப்பு கேட்டு தஞ்சம்

கெங்கவல்லி: கெங்கவல்லி போலீசில் காதல் ஜோடி பாதுகாப்பு கேட்டு தஞ்சமடைந்தனர்.சேலம் மாவட்டம், கெங்கவல்லி அருகே, கடம்பூர், இந்திரா காலனி பகுதியைச்…

4 months ago