Categories
இந்தியா

இந்திய – நேபாள ராணுவம் இணைந்து கூட்டுப்பயிற்சி : 600 வீரர்கள் பங்கேற்பு

பித்தோராகர்: இந்திய – நேபாள ராணுவத்தினர் இணைந்து உத்தரகாண்ட் மாநிலத்தில் கூட்டுப் பயிற்சியில் ஈடுபட்டு வருகின்றனர். சூரியகிரண் என பெயரிடப்பட்டுள்ள இந்த பயிற்சி உத்தரகாண்ட் மாநிலத்தில் நடைபெற்று வருகிறது. இந்த கூட்டுப் பயிற்சியில் இருநாடுகளையும் சேர்ந்த 600 வீரர்கள் பங்கேற்றுள்ளனர். காடுகளில் பதுங்கியிருந்து தாக்குதல் நடத்துவது, பேரிடர் நேரங்களில் துரிதமாக செயல்படுவது குறித்தும் பயிற்சிகள் நடைபெற்று வருகிறது. இதுகுறித்து செய்தியாளர்களிடம் பேசிய இந்திய பாதுகாப்பு அதிகாரியான ஆர்.கே.பரத்வாஜ், கூட்டுப் பயிற்சியில் தீவிரவாதிகளை எதிர்கொள்வது குறித்து பயிற்சி அளிக்கப்பட்டு வருவதாக குறிப்பிட்டார்.
மேலும் பூகம்பம் போன்ற இயற்கை சீற்றங்கள், பேரிடர் நேரங்களில் வீரர்கள் செயல்பட வேண்டிய முறைகள் குறித்தும் பயிற்சி அளிக்கப்படுவதாக கூறினார். மேலும் இயற்கை சீற்றங்களை எதிர்கொள்வதற்கு வீரர்களுக்கு தொழில்நுட்ப ஆலோசனை பயிற்சியில் வழங்கப்படுபகிறது. ஒவ்வொரு ஆண்டும் இந்திய – நேபாள ராணுவ கூட்டுப் பயிற்சி நடைபெறுவது வழக்கம். கடந்த ஆண்டு நேபாளத்தில் இது போன்றதொரு கூட்டுப் பயிற்சி நடைபெற்றது குறிப்பிடத்தக்கது. இருநாட்டிற்கிடையே நல்லுறவை வளர்க்கும் வகையில் கூட்டுப் பயிற்சி அமைந்துள்ளதாக இருநாட்டு அதிகாரிகளும் தெரிவித்துள்ளனர்.

Leave a Reply