TickTick News Tamil

போபால்: இந்தியாவின் தேசிய சின்னமான அசோக சக்கரத்தை வடிவமைத்த தீனநாத் பார்கவா தனது 89வது வயதில் உடல்நலக்குறைவால் நேற்று முன்தினம் இரவு காலமானார். இந்தியாவின் தேசிய சின்னம் சாரநாத்தில் உள்ள அசோகர் ஸ்தூபியில் இருந்து எடுக்கப்பட்டது. இதில் நான்கு சிங்கங்கள் ஒன்றோடு ஒன்று முதுகுப்புறத்தில் ஒட்டிக்கொண்டது போல் அமைக்கப்பட்டுள்ளது. நான்கு சிங்கங்களில் ஒன்று மறுபுறத்தில் இருப்பதால் மறைந்திருக்கிறது. மூன்று சிங்கங்கள் மட்டுமே பார்வைக்கு தெரியும். 1950ம் ஆண்டு ஜனவரி 26ம் தேதி முதல் இந்திய அரசால் இது தேசிய சின்னமாக ஏற்றுக்கொள்ளப்பட்டுள்ளது. தேசிய சின்னமான அசோக சக்கரத்தை வடிவமைத்தவர் தீனநாத் பார்கவா.
இவர் 1927ம் ஆண்டு மத்தியப் பிரதேசத்தின் பிடல் மாவட்டத்தில் உள்ள முல்தாய் என்ற இடத்தில் பிறந்தார். 89 வயதான இவர் உடல்நலக்குறைவால் நேற்று முன்தினம் இரவு காலமானார். கடந்த 10 ஆண்டுகளாக தீனநாத் பார்கவா இதய நோய் பிரச்னைகளால் பாதிக்கப்பட்டு இருந்தார். இவருக்கு இரண்டு மகள்கள் மற்றும் 2 மகன்கள் என 4 பிள்ளைகள் உள்ளனர்.