TickTick News Tamil

தொழில்துறை தேக்கத்தை தொடர்ந்து உலகம் முழுவதும் முதலீட்டாளர்கள் பாதுகாப்பான முதலீடு பக்கம் திரும்பினர். பங்கு சந்தை, ரியல் எஸ்டேட், அமெரிக்க டாலர்கள் என பலவற்றில் இருந்த முதலீடுகளையும் மாற்றி தங்கத்தின் முதலீடு செய்து வருகின்றனர் .

பாதுகாப்பு கருதி தங்கத்தில் முதலீடு செய்வதால், தங்கத்தின் தேவை அதிகரித்து, அதன் விலை உயரத் தொடங்கியுள்ளது. கொரோனா அச்சுறுத்தலால் தொழில்துறை தேக்கம் குறித்த பீதி நிலவி வந்த நிலையில், தங்கத்தின் விலை தற்போது ஏற்றம் இறக்கமாக இருந்து வருகிறது.

கடந்த மாதங்களில் ஒரு பவுன் ஆபரணத் தங்கம் 40 ஆயிரத்தைத் தாண்டியது. அதன் பிறகு தங்கத்தின் விலை ஏற்றம், இறக்கம் என இருந்து வருகிறது.

இந்நிலையில், சென்னையில் ஆபரண தங்கம் விலை சவரனுக்கு ரூ.608 உயர்ந்துள்ளது. இதனால் சவரன் தங்கம் விலை ரூ.34,672 க்கு விற்பனை செய்யப்படுகிறது. தங்கம் ஒரு கிராமுக்கு ரூ.76 உயர்ந்து, கிராம் தங்கம் விலை ரூ.4,334 க்கு விற்பனை செய்யப்படுகிறது.

இதனைப்போன்று சென்னையில் வெள்ளியின் விலை கிலோவிற்கு ரூ.1800 உயர்ந்து, ரூ.70,900 ஆக விற்பனை செய்யப்படுகிறது. தொடர்ந்து உயர்ந்து வரும் தங்கம் மற்றும் வெள்ளி விலைகளால் இல்லத்தரசிகள் பெரும் சோகத்திற்கு உள்ளாகியுள்ளனர்.

பொது எச்சரிக்கை: தமிழகத்தில் கொரோனா வைரஸ் பரவல் அதிகரித்து வருவதால், முகக்கவசம் அணிந்து தனிமனித இடைவெளியை கடைபிடியுங்கள். வெளியே சென்று வீட்டிற்குள் செல்லும் முன்னர் கை, கால்களை சுத்தம் செய்துகொள்ளுங்கள்.