Categories: Uncategorized

காற்றழுத்த தாழ்வு மண்டலம் படிப்படியாக வலுவிழக்கும்.. வானிலை மையம் தகவல்

சென்னை: வங்கக்கடலில் நீடிக்கும் காற்றழுத்த தாழ்வு மண்டலம் படிப்படியாக வலுவிழக்கும் என சென்னை வானிலை ஆய்வு மையம் தெரிவித்துள்ளது.

தென் மேற்கு வங்கக்கடலில் உருவாகியுள்ள காற்றழுத்த தாழ்வு மண்டலத்தால் தென் தமிழகத்தில் கடந்த 2 நாட்களாக கனமழை பெய்து வருகிறது. இந்நிலையில் சென்னை வானிலை ஆய்வு மைய இயக்குநர் பாலச்சந்திரன் செய்தியாளர்களிடம் பேசினார்.

அப்போது காற்றழுத்த தாழ்வு மண்டலம் படிப்படியாக வலுவிழக்கும் என பாலச்சந்திரன் தெரிவித்துள்ளார். காற்றழுத்த தாழ்வு மண்டலம் மினிகாய் தீவுக்கு தென்கிழக்கே 130 கி.மீ தொலைவில் நிலைகொண்டுள்ளதாக அவர் தெரிவித்தார்.

இந்த குறைந்த காற்றழுத்த தாழ்வு மண்டலம் படிப்படியாக மத்திய கிழக்கு அரபிக் கடலில் வலுவிழக்கும் என்றும் அவர் கூறினார்.

கடந்த 24 மணி நேரத்தில் அதிகபட்சமாக தூத்துக்குடியில் 20 செ.மீ. மழை பெய்துள்ளது. பாபநாசத்தில் 19 சென்டி மீட்டர் மழையும் செங்கோட்டையில் 10 சென்டி மீட்டர் மழையும் பதிவாகியுள்ளது.

குமரி கடல் பகுதியில் மணிக்கு 40 முதல் 60 கி.மீ. வேகத்தில் காற்று வீசும் என்று தெரிவிக்கப்பட்டுள்ளது. வடமேற்கு திசையை நோக்கி காற்றழுத்த தாழ்வு மண்டலம் படிப்படியாக நகரும் என்று பாலச்சந்திரன் தெரிவித்தார்.

அடுத்த 24 மணி நேரத்தில் தென் தமிழகத்தில் பெரும்பாலான இடங்களில் மிதமான மழை பெய்யும் என்றும் ஓரிரு இடங்களில் கனமழைக்கு வாய்ப்புள்ளதாகவும் தெரிவித்தார். தென் தமிழகம் மற்றும் வட தமிழகத்தில் உள்மாவட்டங்களில் அடுத்த 2 நாட்களுக்கு மழை பெய்ய வாய்ப்பிருப்பதாகவும் பாலச்சந்திரன் கூறியுள்ளார்.

மேலும் மார்ச் 14, 15 ஆகிய தேதிகளில் பலத்த காற்று வீசும் என்பதாலும் கடல் கொந்தளிப்புடன் காணப்படும் என்பதாலும் குமரி மற்றும் மாலத்தீவு கடல் பகுதிகளுக்கு மீனவர்கள் செல்ல வேண்டாம் என்று எச்சரிக்கை விடுக்கப்பட்டுள்ளது.

source: oneindia.com

Share
Tags: oneindia

Recent Posts

காஷ்மீரில் பிஎஸ்ஏ சட்டத்தின்கீழ் முக்கிய குற்றவாளி கைது

ஜம்மு-காஷ்மீர் மாநிலம் ரஜெளரி மாவட்டத்தில் முக்கிய குற்றவாளி ஒருவர், பொது பாதுகாப்புச் சட்டத்தின்கீழ் (பிஎஸ்ஏ) கைது செய்யப்பட்டதாக அதிகாரிகள் சனிக்கிழமை தெரிவித்தனர். ரஜெளரி மாவட்டத்தில் பல்வேறு குற்றச்செயலில்…

3 hours ago

வருமான ஆதரவு திட்டம்: 4.74 கோடி விவசாயிகளுக்கு ஏப்ரலில் இரண்டாவது தவணை

விவசாயிகளுக்கான வருமான ஆதரவு திட்டத்தின் (பிஎம்-கிசான்) கீழ், சுமார் 4.74 கோடி சிறு மற்றும் குறு விவசாயிகளுக்கான இரண்டாவது தவணை உதவித்தொகை, அடுத்த மாதம் வழங்கப்படும் என்று…

3 hours ago

பாஜகவின் மதிப்புமிக்க தலைவராக அத்வானி என்றும் நிலைப்பார்

"பாஜகவின் மதிப்புமிக்க தலைவராக எல்.கே. அத்வானி என்றென்றும் நிலைத்திருப்பார்' என்று சிவசேனை கட்சி புகழாரம் சூட்டியுள்ளது. இது தொடர்பாக, அக்கட்சி தனது அதிகாரப்பூர்வ நாளேடான "சாம்னா'வில் சனிக்கிழமை…

3 hours ago

காங்கிரஸ் 8-ஆவது வேட்பாளர் பட்டியல் வெளியீடு

மக்களவைத் தேர்தலுக்கான 8-ஆவது வேட்பாளர் பட்டியலை காங்கிரஸ் சனிக்கிழமை வெளியிட்டது. இதில் கர்நாடகம், மத்திய பிரதேசம், உத்தரகண்ட், உத்தரப் பிரதேசம், மணிப்பூர், மகாராஷ்டிரம் ஆகிய மாநிலங்களுக்கான வேட்பாளர்கள்…

3 hours ago

ராஜ் பப்பர் போட்டியிடும் தொகுதி மாற்றம்

உத்தரப் பிரதேச காங்கிரஸ் தலைவர் ராஜ் பப்பர், மக்களவைத் தேர்தலில் போட்டியிடும் தொகுதியை காங்கிரஸ் தலைமை மாற்றியுள்ளது. மொராதாபாத் தொகுதியில் அவர் போட்டியிடுவதாக அறிவிக்கப்பட்டிருந்தது. தற்போது, பதேபூர்…

3 hours ago

லோகியாவின் கொள்கைக்கு எதிரானவர்களுடன் சோஷலிஸ கட்சிகள் கூட்டணி

"லோகியாவின் கொள்கைக்கு எதிரான காங்கிரஸ் கட்சியுடன் இணைந்து, சோஷலிஸ கட்சிகள் மகா கூட்டணி அமைக்க முயன்று வருகின்றன' என்று பிரதமர் நரேந்திர மோடி தெரிவித்துள்ளார். அந்தக் கட்சிகள்,…

3 hours ago