சேலத்தில் கறிக்கடைக்காரரை தாக்கிய போலீஸ் எஸ்ஐக்கள் இருவர் இடமாற்றம்! ‘முதியவரிடம் மன்னிப்பு கேட்டு கெஞ்சல்!!’

சேலத்தை அடுத்த கம்மாளப்பட்டியைச் சேர்ந்தவர் மூக்குத்தி கவுண்டர் (75). இவர், அன்னதானப்பட்டி போலீஸ் நிலையம் அருகே கறிக்கடை நடத்தி வருகிறார்.

நேற்று ஞாயிற்றுக்கிழமை (ஜனவரி 13) என்பதால், கறிக்கடையில் வழக்கத்தைவிட கூட்டம் அதிகமாக இருந்தது. அங்கு போலீஸ் ஜீப்பில் வந்த அன்னதானப்பட்டி சப்&இன்ஸ்பெக்டர் பாலசுப்ரமணி, வாகனத்தில் இருந்தபடியே, ‘2 கிலோ ஆட்டுக்கறி போடுடா…’ என மரியாதைக்குறைவாகவும், அதிகார தொனியிலும் கேட்டார். அதற்கு மூக்குத்தி கவுண்டர், ‘மரியாதையாக பேசுங்கள்’ என்று கூறினார்.

இதனால் ஆத்திரம் அடைந்த எஸ்ஐ பாலசுப்ரமணி மற்றும் அவருடன் வந்த எஸ்எஸ்ஐ சிவபெருமாள் ஆகியோர் வாகனத்தில் இருந்து இறங்கி வந்து மூக்குத்திகவுண்டர் மற்றும் அவருடைய மனைவி பழனியம்மாளை தகாத வார்த்தைகளால் திட்டினர்.
மேலும், அந்த முதியவரை அடித்து உதைத்து வலுக்கட்டாயமாக போலீஸ் வாகனத்தில் ஏற்றிக்கொண்டு அன்னதானப்பட்டி போலீஸ் நிலையத்திற்கு அழைத்துச்சென்றனர்.

இதுகுறித்து தகவல் அறிந்த மூக்குத்தி கவுண்டரின் மகன் விஜயகுமார், போலீஸ் நிலையத்துக்கு சென்றார். எதற்காக எனது தந்தையை அடித்தீர்கள்? என கேட்டார். இதைக்கேட்ட அங்கிருந்த போலீசார் விஜயகுமாரையும் தாக்கியுள்ளனர். பிறகு, தந்தை, மகன் இருவரிடமும் ஒரு வெற்றுத்தாளில் கைரேகை வாங்கிக்கொண்டு போலீசார் அவர்களை விடுவித்தனர்.

போலீசார் தாக்கியதில் காயம் அடைந்த இருவரும், சேலம் அரசு மருத்துவமனையில் சிகிச்சைக்காக சேர்க்கப்பட்டனர். இதுகுறித்து சேலம் மாநகர போலீஸ் கமிஷனர் சங்கருக்கு தகவல் அளிக்கப்பட்டது. கமிஷனர் விசாரணை நடத்தினார்.

கறிக்கடைக்காரரை தாக்கிய எஸ்ஐ பாலசுப்ரமணி, எஸ்எஸ்ஐ சிவபெருமாள் ஆகியோரை மாநகர காவல் கட்டுப்பாட்டு அறைக்கு இடமாற்றம் செய்து உத்தரவிட்டார். அவர்கள் மீது துறை ரீதியான நடவடிக்கைக்கும் உத்தரவிட்டுள்ளார்.

இதற்கிடையே, தங்கள் வேலைக்கு பாதிப்பு ஏற்பட்டு விடக்கூடாது என்பதற்காக எஸ்ஐ பாலசுப்ரமணி, கறிக்கடைக்காரர் மூக்குத்திகவுண்டர், அவருடைய மனைவி பழனியம்மாள், மகன் விஜயகுமார் ஆகியோரிடம் மன்னிப்பு கேட்டார். இது வாட்ஸ்அப் உள்ளிட்ட சமூக ஊடகங்களில் பரவி வருகிறது.

Share

Recent Posts

கூகுள் புதிய ஆண்ட்ராய்டு பெயரை அதிகாரபூர்வமாக அறிவித்துள்ளது.

கூகுள் நிறுவனம் ஆண்ட்ராய்டு Q இயங்குதளம் ஆண்ட்ராய்டு 10 என்ற பெயரில் வெளியாகும் என அதிகாரப்பூர்வமாக அறிவித்தது. இத்துடன் புதிய இயங்குதளத்துக்கான லோகோவையும் வெளியிட்டது.இதுவரை ஆண்ட்ராய்டு Q…

12 hours ago

கணினியை இப்படி எல்லாம் பயன்படுத்தி இருக்கிறீங்களா?

இன்றைய உலகில் கணினியின் தேவை அத்தியாவசியமான ஒன்றாகிவிட்டது. ஒவ்வொருவரும் கணினியின் பயனை உணர்ந்துக்கொள்வது அவசியமாகிவிட்டது. கணினியைப் பயன்படுத்துவது தவிர்க்க முடியாதாகிவிட்டது. இன்று கணினியை எளிய முறையில் கையாள…

12 hours ago

RS 13,999 விலையில் அறிமுகமானது MOTOROLA ONE ACTION.

மோட்டோரோலா ஒன் அதிரடி இன்று இந்தியாவில் அறிமுகம் செய்யப்பட்டுள்ளது, இந்த புதிய மோட்டோரோலா தொலைபேசி ஆகஸ்ட் 30 முதல் விற்பனைக்கு வருகிறது. நிறுவனத்தின் மற்ற ஸ்மார்ட்போன்களைப் போலவே,…

12 hours ago

200 ஆண்டுகள் ஏலியனாக வாழ்வேன் : நித்தியானந்தா ! வைரலாகும் வீடியோ !

நித்தியானந்தா என்றாலே எப்போதும், பரபரப்புக்கு பஞ்சம் இருக்காது. சுவாமி நித்தியானந்தா ஆன்மீகத்தையும் தாண்டி அறிவியல் பூர்வமாகவும், ஐன்டீன்ஸ் விதியை தவறு என்று கூறி உலகத்தையும் திருப்பி போட்டார்.இந்நிலையில்,…

12 hours ago

சாலைகளில் செல்போன் பேசியபடி செல்லும் பெண்கள்தான் முதல் இலக்கு: கொள்ளையன் பகீர் வாக்குமூலம்.!

இப்போது வரும் புதிய தொழில்நுட்பங்கள் அனைத்தும் மக்களுக்கு பயன்படும் வகையில் தான் இருக்கிறது, ஆனால் அந்த தொழில்நுட்பத்தை எந்த இடத்தில் பயன்படுத்த வேண்டும், எந்த இடத்தில் பயன்படுத்தக்…

12 hours ago

உணவாக மாறிய டைட்டானிக் கப்பல்! என்ன நடந்தது தெரியுமா?

ஒரு நூற்றாண்டிற்கு முன்னால் கடலுக்குள் மூழ்கிய ஆர்எம்எஸ் டைட்டானிக் கப்பல், அதன் அழிவை நோக்கிச் சென்று கொண்டிருப்பதாக ஒரு புதிய அதிர்ச்சி தகவல் வெளியாகியுள்ளது.கடலில் உள்ள உப்பு…

12 hours ago