சுற்றுச்சூழல் இழப்பீடு அபராதம் : நோட்டீஸ் பெற்றவர்களிடம் இருந்து ரொக்கம் வசூல் செய்து தரவேண்டும்

புதுடெல்லி: பிளாஸ்டிக் கழிவுகள், ரப்பர், அச்சு தயாரிப்பில் உருவான பொருட்கள், காய்ந்த இலை, சருகுகள் ஆகியவற்றை எரிப்பதற்கு டெல்லியில் தடை விதித்து கடந்த 2015 ஏப்ரல் 28ல் தேசிய பசுமை தீர்ப்பாயம் (என்ஜிடி) அறிவித்தது. தடையை மீறுவோர், சுற்றுச்சூழல் இழப்பீடாக குறைந்தபட்சம் ₹5,000 அபராதம் செலுத்த வேண்டும் என என்ஜிடி பிறப்பித்த உத்தரவில் கூறப்பட்டது.அதைத் தொடர்ந்து, தடையை மீறியதாக கிழக்கு மாநகராட்சியின் வடக்கு மற்றும் தெற்கு ஷாதரா மண்டலங்களைச் சேர்ந்த 520 பேருக்கு நோட்டீஸ் அனுப்பப்பட்டது. விதிக்கப்பட்ட மொத்த அபராதத் தொகையில் ₹9,96,100 வசூலானது. எனினும், நோட்டீஸ் அனுப்பப்பட்ட 520 பேரில் 336 பேர் அபராதம் செலுத்தாமல் அலட்சியமாக இருந்து வந்தனர்.
அதுபோல, காற்று மாசு அதிகரிப்பு நடவடிக்கையில் ஈடுபட்ட 1,403 பேருக்கு அபராத நோட்டீஸ் அனுப்பி வைக்கப்பட்டது. அதில், ₹63,15,000 வசூல் செய்யப்பட்டது. அதிலும், 1082 பேர் அபராதம் செலுத்தத் தவறினர். இதனிடையே, அபாய கட்டத்தில் இருந்து இதுவரை மீளாமல் இருந்துவரும் டெல்லியின் காற்று மாசு குறித்து, வர்தமான் கவுசிக் என்பவர் என்ஜிடியில் வழக்கு தொடுத்திருந்தார். வழக்கின் மனுவில், ”தெற்கு டெல்லி பணக்காரர்கள் தங்களது வீடுகளுக்கு செக்யூரிட்டி ஏற்பாடு செய்துள்ளனர். பனிக்காலங்களில் அந்த செக்யூரிட்டிகள், குப்பை, இலைசருகு, மரக்கட்டை போன்றவை எரிப்பதால், நச்சுக் காற்று அதிகரிக்கிறது என புகார் கூறியிருந்தார். அந்த வழக்கின் விசாரணை என்ஜிடியில் நேற்று நடந்தது. வீட்டுக்குள் உரிமையாளர்கள் பாதுகாப்பாக இருப்பது போல, செக்யூரிட்டிகளுக்கு ஹீட்டர் அளித்தால், எரிக்க மாட்டார்கள் என அவர் குறிப்பிட்டிருந்தார்.இந்நிலையில், அபராதம் விதித்து நோட்டீஸ் அனுப்பியவர்களின் பட்டியலை வெளியிடும் அதிகாரம் மட்டுமே தனக்கு உள்ளது என்றும், வசூல் செய்ய அதிகாரம் இல்லை எனவும் குறிப்பிட்டு, என்ஜிடிக்கு கிழக்கு மாநகராட்சி சார்பில் தாக்கல் மனு தாக்கல் செய்யப்பட்டது. மேலும், வசூல் செய்வதற்கு அனுமதி பெற்றுள்ள தேசிய பசுமை தீர்ப்பாயம், இந்த விவகாரத்தில் தலையிட்டு, அபராதத்தை வசூல் செய்து தரவேண்டும் என அதில் கோரப்பட்டு இருந்தது. மனுதாரர் கவுசிக் தொடுத்த வழக்கின் விசாரணை என்ஜிடியில் நேற்று நடந்தது. என்ஜிடி தலைவர் சுவதந்திர குமார் முன்னிலையில் நடந்த விவாதத்திற்கு கிழக்கு மாநகராட்சி சார்பில் வக்கீல் பலேந்து ஷேகர் ஆஜரானார்.பட்டியலை பார்வையிட்ட பின், வக்கீலிடம் என்ஜிடி தலைவர் எழுப்பிய கேள்வியில், ”கட்டுமான நிறுவனங்கள் மற்றும் உரிமையாளர்கள் யாரும் தடையை மீறி செயல்படவில்லையா? விதிகளை தீவிரமாக கடைபிடிக்கிறார்களா?”, என்றார்.அதைத் தொடர்ந்துஎன்ஜிடி தலைவர் தீர்ப்பு வழங்கி கூறுகையில், ”சுற்றுச்சூழல் இழப்பீடு அபராதம் வசூல் செய்ய மாவட்ட துணை கலெக்டருக்கு அதிகாரம் வழங்கினோம். ஆனால், இந்த விவகாரத்தை அமல்படுத்தாத மாவட்ட துணை கலெக்டரிடம் விளக்கம் கேட்டு நோட்டீஸ் அனுப்ப உத்தரவிடுகிறேன். அபராதம் செலுத்த தவறிய தவறு இழைத்தவர்கள் வரும் ஜனவரி 30ம் தேதியன்று நடைபெறும் விசாரணைக்கு தீர்ப்பாயத்தில் நேரில் ஆஜராக வேண்டும்”, என்றார்.நேரில் ஆஜராக உத்தரவுசம்பளம் பிடித்தம் செய்யப்படும் என எச்சரித்து இருந்தும், என்ஜிடியின் தடை உத்தரவை அமல்படுத்தாத, நொய்டா நகராட்சி துணை ஆணையர் மற்றும் காவல்துறை எஸ்பி ஆகியோர் அடுத்த கட்ட விசாரணை நடைபெறும் ஜனவரி 30ம் தேதி நேரில் ஆஜராக வேண்டும் என என்ஜிடி உத்தரவிட்டுள்ளது.

Share

Recent Posts

திரைப்பட இயக்குநர்கள் சங்கத் தேர்தலில் ரவிக்குமார் வெற்றி!

தமிழ்நாடு திரைப்பட இயக்குநர்கள் சங்கத் தேர்தலில் துணைத் தலைவர் பதவிக்கு போட்டியிட்ட கே.எஸ்.ரவிக்குமார் வெற்றி பெற்றுள்ளார்.தமிழ் திரைப்பட இயக்குநர் சங்கத்திற்கு இரண்டு ஆண்டுகளுக்கு ஒரு முறை தேர்தல்…

17 hours ago

பிக்பாஸ் நிகழ்ச்சியில் இலங்கையிலிருந்து வந்து லொஸ்லியா இடம்பெற்றது எப்படி என உண்மையை வெளியிட்ட அவரது நெருங்கிய தோழி

பிரபல தமிழ் டிவி சேனலில் வரும் பிக்பாஸின் மூன்றாவது சீசனில் ரசிகர்களிடம் வேகமாக பிரபலமாகி வருவது லொஸ்லியா தான். அவ்வாறு நாட்கள் செல்ல செல்ல இவருக்கென புதுபுது…

17 hours ago

திரைப்பட இயக்குநர் சங்கத் தேர்தலில் ஆர்.கே.செல்வமணி வெற்றி

திரைப்பட இயக்குநர் சங்கத் தேர்தலில் 1,386 வாக்குகள் பெற்று வெற்றி ஆர்.கே.செல்வமணி பெற்றார். இன்று காலை தொடங்கிய வாக்குப்பதிவு நிறைவடைந்து, உடனே வாக்குகள் எண்ணப்பட்டு முடிவுகள் அறிவிக்கப்பட்டது.…

17 hours ago

காப்பான் படத்தில் ஐந்து பாடல்கள் இவைதான்

இந்த விழாவில் சூப்பர் ஸ்டார் ரஜினிகாந்த் உட்பட பல பிரமுகர்கள் கலந்து கொண்டார்கள். இந்த நிலையில் 'காப்பான்' திரைப்படத்தின் டிராக்லிஸ்ட் சற்று முன் வெளியாகி உள்ளதுஇந்த படத்தின்…

17 hours ago

அனைத்து சிம்பு ரசிகர்களும் தெறிக்க விடும் ஒரு முக்கியமான தருணம்

தமிழ் திரையுலகில் நடிகர் சிம்பு மிகுந்த திறமை கொண்டவர் என்பது பெரும்பான்மையான ரசிகர்களுக்கு தெரியும். மேலும் குழந்தையாக இருக்கும் போது தன் தந்தை டி.ராஜேந்தரால் சினிமாவில் நடிகராக…

17 hours ago

சூப்பர் ஹிட்டான 96 படத்தின் ரீமேக்கில் அதே மஞ்சள் நிற சுடிதாரில் அசத்தும் நடிகை சமந்தா

சென்ற வருடம் தமிழில் விஜய்சேதுபதி, த்ரிஷாவின் நடிப்பில் வெளியாகி சூப்பர்ஹிட்டான படம் 96 . ஏற்கனவே கன்னடத்தில் ரீமேக்கானதை தொடர்ந்து தெலுங்கிலும் தற்போது ரீமேக்காகி வருகிறது. இந்த…

17 hours ago