கூகுள் இணையத் தேடல் முடிவுகளில் மாற்றம் : சுந்தர் பிச்சை!

அரசியல் ரீதியான காரணங்களுக்காக கூகுள் இணையதளத் தேடல் முடிவுகளில் (search results) மாற்றங்கள் கொண்டுவர இருப்பதாக வெளியான தகவலை கூகுள் நிறுவனத் தலைமைச் செயல் அதிகாரி சுந்தர் பிச்சை மறுத்துள்ளார். இந்தத் தகவலை அமெரிக்காவைச் சேர்ந்த செய்தி மற்றும் தகவல் இணைய தளமான அக்சியாஸ் (Axios) 21.09.2018, வெள்ளிக் கிழமையன்று வெளியிட்டுள்ளது.

இணையம் வழியான தேடுதல் நடைமுறைகளில் மாற்றம் கொண்டு வருவது தொடர்பாக கூகுள் நிறுவனப் பணியாளர்கள் தங்களுக்குள் விவாதித்ததாக அமெரிக்காவின் செய்தி இதழான தி வால் ஸ்டிரீட் (The Wall Street Journal) தெரிவித்துள்ளது. அவர்களுக்கு இடையேயான மின்னஞ்சல் பரிமாற்றங்கள் மூலம் இது தெரிய வந்ததாக இச்செய்தி இதழ் கூறுகிறது.
2017 ஆம் ஆண்டில் அமெரிக்க அதிபர் டிரம்ப், அமெரிக்காவின் பாதுகாப்பைக் கருத்தில் கொண்டு குறிப்பிட்ட சில நாட்டுகளின் பயணிகள் அமெரிக்காவுக்கு வருகை புரிவதைத் தடுக்கும் வகையில் ஆணை பிறப்பித்தார். இதனைப் பின்னணியாகக் கொண்டே கூகுள் இத்தகைய நடவடிக்கைகளை மேற்கொண்டிருப்பதாகக் கருதப்பட்டது.

தேடல் முடிவுகளில் மாற்றம் கொண்டு வருவது குறித்து கூகுள் நிறுவனம் மிகத் தீவிரமாக யோசிக்கவில்லை எனவும் தி வால் ஸ்டிரீட் இதழ் தெரிவித்துள்ளது.

கூகுள் நிறுவனத் தலைமைச் செயல் அதிகாரி சுந்தர் பிச்சை தன்னுடைய பணியாளர்களுக்கு அனுப்பிய மின்னஞ்சலில், அரசியல் காரணங்களுக்காக இணைய தளத் தேடுதல்களில் சில மாற்றங்களைக கொண்டு வர கூகுள் நிறுவனம் முயற்சி செய்கிறது என்னும் தகவல் முற்றிலும் தவறானது எனத் தெரிவித்திருந்ததாக அக்சியாஸ் (Axios) இணைய இதழ் குறிப்பிட்டுள்ளது.

“உலகெங்கிலும் உள்ள தகவல்களைத் திரட்டி ஒருங்கிணைத்து அதனைப் பயனுள்ள வகையில் அனைவரும் பெறுவதற்கு ஏற்ற சூழலை உருவாக்க வேண்டும் என்கின்ற நம்முடைய குறிக்கோளில் இருந்து விலகப் போவதில்லை. அரசியல் காரணங்களுக்காக இணையத் தேடல் முடிவுகளில் சமரசம் செய்து கொள்ளப் போகிறோம் என வரும் செய்திகளில் உண்மையில்லை” என சுந்தர் பிச்சை மின்னஞ்சல் வழியாகத் தெரிவித்துள்ளதாக அக்சியாஸ் செய்தி நிறுவனம் கூறியுள்ளது.

இது குறித்துக் கருத்துக் கேட்கக் கூகுள் நிறுவனத்தை அணுக முயற்சித்தபோது அந்நிறுவனத்தை உடனடியாகத் தொடர்பு கொள்ள முடியவில்லை.

source: gizbot.com

Share

Recent Posts

மும்மொழி கொள்கை கட்டுரை போட்டி

சென்னை: மத்திய அரசின் மும்மொழிக் கொள்கை குறித்து, பள்ளி, கல்லுாரி மாணவ, - மாணவியருக்கு, தனியார் தொண்டு நிறுவனம் சார்பில், கட்டுரைப் போட்டி அறிவிக்கப்பட்டு உள்ளது.&'பள்ளிகளில், மும்மொழிக்…

7 hours ago

கலை கல்லூரிகள் திறப்பு: ராகிங் தடுக்கப்படுமா?

சென்னை: கோடை விடுமுறை முடிந்து, நாளை மறுநாள், கலை, அறிவியல் கல்லுாரிகள் திறக்கப்படுகின்றன.தமிழகத்தில் உள்ள பள்ளிகளில், இறுதியாண்டு தேர்வுகள் மற்றும் பொதுத் தேர்வுகள், ஏப்ரலில் முடிந்து, கோடை…

7 hours ago

முதல் ஆயிரம் மாணவர்களில் 30 பேர் மட்டும் தமிழர்கள் – ஜெஇஇ ரிசல்ட்

ஐஐடி, என்ஐடி கல்லூரிகளில் சேர தேசிய அளவில் நடத்தப்பட்ட ஜெஇஇ முதன்மைத் தேர்வில் முதல் ஆயிரம் இடங்களைப் பிடித்த மாணவர்களில் 30 பேர் மட்டுமே தமிழகத்தைச் சேர்ந்தவர்கள்…

7 hours ago

பத்தாம் வகுப்பு படித்த ஆண்களுக்கு மத்திய அரசு பணி

மத்திய அரசின் கீழ் செயல்படும் எல்லை சாலை கழகத்தில் பல்வேறு காலிப்பணியிடங்களுக்கான தேர்வு பற்றிய அறிவிப்பு வெளியாகியுள்ளது. இதற்கு தகுதியும், விருப்பமும் உள்ள ஆண்களிடமிருந்து மட்டும் விண்ணப்பங்கள்…

7 hours ago

உங்கள் வேலைவாய்ப்பை அதிகப்படுத்துவதற்கான திறன்கள்…!

வேலைவாய்ப்பு திறன்எழுத்தாளர்: வினோத் குமார் சங்கரன்Gyanamite, தமிழில் திறமை மற்றும் வேலைவாய்ப்பை வளர்க்க நிறைய வீடியோக்கள் மற்றும் வலைப்பதிவுகளைகொண்ட தளம்.நம் நாட்டில் உள்ள மாணவர்களையும் இளைஞர்களையும்,அவர்களுக்குத் தொடர்புடைய…

7 hours ago

ரூ.60,000 ஊதியத்தில் பொறியியல் பட்டதாரிகளுக்கு வேலை

ONGC நிறுவனத்தில் காலியாக உள்ள பணியிடங்களை நிரப்ப அறிவிப்பு வெளியிடப்பட்டுள்ளது. இதற்கு தகுதியும் விருப்பமும் உள்ளவர்கள் விண்ணப்பிக்கலாம்.காலிப் பணியிடங்கள்:Medical Officer பிரிவில் 45 பணியிடங்களும், Security Officer…

7 hours ago